Հավանաբար նկատել եք՝ Facebook-ը մեծ ուշադրություն է դարձնում տեսանյութերին:
Երբ նրանք ավելացրին autoplay video ֆունկցիան, դա շատ հակաասական կարծիքներ առաջացրեց: Ոմանց դա շատ հարմար էր, ուրիշները խստորեն քննադատեցին: Սակայն հիմա արդեն բոլորս սովորել ենք մեր newsfeed-ում տեսնել ավտոմատ միացող տեսանյութեր: Առայժ դրանք անձայն են միանում …
Եվ այսպես՝ Ֆեյսբուքը փորձարկում է ավտոմատ միացող ձայնով տեսանյութերը:
Այս մասին http://mashable.com/-ին հաղորդել է Facebook-ի խոսնակը: Թեսթը իրականացվում է Ավստրալիայում և գործելու է թե՛ սովորական տեսանյութերի, թե՛ գովազդների և թե՛ ուղիղ եթերի (live video) համար: Թեսթին մասնակցելու են ոչ մեծ թվով օգտվողներ:
Փորձարկման մասնակիցների մի մասի մոտ տեսանյութի ձայնը միանալու է անմիջապես (եթե հեռախոսի ձայնը բարձրացված է), իսկ մյուս մասը հնարավորություն կունենա տեսանյութի autoplay-ի ընթացքում ինքնուրույն միացնել ձայնը: Երկու դեպքերում էլ հնարավորություն կտրվի ցանկության դեպքում ամբողջությամբ անջատել ֆունկցիան:
Կանխատեսվում է, որ արձագանքը հիմնականում բացասական կլինի:
Մյուս կողմից՝ ավտոմատ միացող ձայնով ուղիղ եթերը կարող է բավականին ազդեցիկ լինել:
Ամեն դեպքում, եթե այս ֆունկցիան համատարած դառնա, կարող ենք շնորհակալություն հայտնել Ավստրալացիների այդ ոչ մեծ խմբին 😉
Իսկ ինչպե՞ս եք Դուք վերաբերվում այս նոր ֆունկցիային: Կցանկանա՞ք այն համատարած դառնա:
Ձեր հարցերն ու առաջարկները կարող եք գրել հոդվածի մեկնաբանություններում կամ մեր Ֆեյսբուքյան էջին:
ArmContent 